నవ శకం సౌధాలు

అవినీతి పెను తుఫాను

దేశాన్ని అతలాకుతలం చేస్తోంది

మానవత్వపు మహావృక్షాన్ని

కూకటి వ్రేళ్ళతో పెల్లగించేస్తోంది

లంచగొండి తనపు వరదల్లో

ధర్మ సౌధాలు పునాదుల్తోసహా కొట్టుకుపోతున్నాయి

అరాచకపు కారుమేఘాలు

న్యాయం అనే సూరీన్ని సునామిలా కమ్మేశాయి

మతోన్మాదపు వెల్లువ

ఇంకా కళ్ళు తెరవని రేపటి తరం

పసి కూనల్ని సైతం

ముంచేస్తుంటే - మనకేం పట్టనట్టు

ఊరుకుంటే ఇక లాభం లేదు

ఉపాధ్యాయులారా! ఉద్యమ నేతలారా!

శాస్త్రజ్గ్నులారా! ఓ పరిశోధనా ప్రకాన్డులారా!

క్లోనింగు ద్వారా మనుషుల్ని తయారు చేస్తే ఏమి లాభం

బోధనల ద్వారా పరిశోధనల ద్వారా

మానవత్వాన్ని తయారు చేయండి

లంచగొండి తనాన్ని తుదముట్టించే

బాంబు ఏదైనా కనిపెట్టండి

జాలి, కరుణ ,గులికల్ని తయారు చెయ్యండి

అప్పుడే నవ భారత పునాదుల పై

నవ శకం సౌధాలు లేస్తాయి.

-జి. మురళి. 01.02.2010.